Summer Breeze

刮過了風

以為會開始涼起來 日頭還是很毒
夏季的風暖哄哄濕漉漉 好生煩躁
什麼時候才有颯爽的秋風將黏稠的思緒都吹乾?

5月算係畢業了 一直忙到8月中後才緩下來
中間馬不停蹄
畢業作品展 去了一個交流團 一個旅遊 一個短宣
加起來足足有一個月離家
carefree得很 放個屁都暢達過人
又向30歲前遊遍中國嘅心願邁了一大步

旅途上遇上了很多很多難忘的人 

人生第一個所謂的交流團去了東北大連 尐俄羅斯套娃好流

偷走出去食麻麻地嘅水產 靜雞雞喺campus玩滴滴金好大煙搞到保安以為放火

打排球打腫咗隻手嚇親自己 低b運動會好好笑

食學校canteen 夜晚喺校園跑步食宵夜總算有過短暫hall life
除咗大連嘅義工之外 識咗隔離u嘅同學仔感覺返到香港都仲係朋友

自幼稚園之後第一次公開跳舞好大壓力 即摘即食車尼子甜到漏
仲撈了很多油水 臨走嘅時候好多人送我
收咗尐信同禮物(書、畫、零食)我覺得好囂張原來我咁得人歡喜

前一晚買機票第二朝就飛咗去常熟蘇杭
仲遲到搞到地勤姐姐帶我跑秘道 好在online check-in咗
常熟係一個安靜嘅地方 擺到明遊客樣真係個個都想昆我

同小帥哥遊湖摘蓮子食地道菜去睇佢返工嘅地方談心 

[試過唔捨得一個人長大未吖?我就試到嘞]

蘇州好慢好有氣質好詩意 

搭咗旅程中第2次免費車 一次係馬車一次係電瓶車 [車見車載原來就係咁 :P]
搭咗好多船除咗水都係水 坐河邊茶館認識了一個愛遊歷嘅女生幫我編行程

如果拙政園唔係公開遊覽我想住喺入面一世

去到杭州有朋友接好開心食住都幫我安排好 仲帶埋女朋友俾我過目我老懷安慰

去左浙江電子大學行下上埋宿舍 去食蟹煲同擔擔面仲去行街睇戲機鋪篤波

去西湖有小朋友撩我玩有妹妹請我飲茶傾咗兩個幾鐘忘了肚餓

有的士叔叔請完我食面[嗱係好食架嗱!]想車我去開房嚇到喺公路上跳車

喊咗成晚 第二日都係照坐的士但已經唔敢同人傾偈

在四川與各路好友聚聚舊(明明二月先見過面:P)

不斷食好嘢同見好人 見到好多舊人成長咗好多
心裡面認為係一個不錯嘅短暫話別 呢個地方美麗到令人心痛 

大連令我愛上牡丹 蘇杭令我愛上芙蓉花 四川令我愛上辣椒
這就是在青春結束前最後一場仲夏夜之夢

很多人問我找工作沒有 幹什麼不找

應該咁講 有太多想久留的地方有太多想久處的人 

人生又太短暫 家是要養的而工作又似乎好必須 

這階段的我認為太難取捨

我尚沒有這胸襟去消化這等事

我說 看這是多惱人的一場Summer Breeze

你說 過了 就都一樣嗯  

「誰沒有得不到的一些夢

為了甚麼 一笑已經風雲過」

.