30號1930上機 日本時間2355到羽田空港
2月頭買嘅機票 hkexpress去程送回程$14XX
無帶身份證呢尐日行一柒就唔多講嘞
想講嘅係 究竟坐飛機可唔可以request前後唔好坐口水婆或者小朋友...
好遭罪啊kuku...
因為慳錢無book到住宿 而半夜出到市區又唔知做乜好
所以呢我同dada就決定喺機場訓幾個鐘先出發
食咗個burger做宵夜諗住會幾好訓啦頂唔小心訓咗喺廁所同電梯上落位
嘈到呢...個廁所門口仲會出埋聲話你知呢個係男廁呢個係女廁
Day 1: 羽田>品川>新宿>箱根湯本>強羅Hakone
0600左右出發去到
Hakone Tent check-in已經差不多11點
網上面睇就話去到新宿坐一個叫浪漫特快嘅鐵
但我地無坐因為都只係差半個鐘左右
買咗個2day pass去到就可以任搭箱根嘅所有交通工具
食咗兩餐飯團好好味啊(可能餓得滯-0-)
箱根神社>杉木林>徒步去水族館>兒童動物園>海盜船>食餃子>旅館溫泉
全日行程都有山有水 風景同天氣都好好 所謂心曠神怡就係呢尐囉
第一次去日本 第一次去神社 第一次去可以抱抱動物嘅動物園
第一次咁凍咁大風坐船吹走埋頂帽
第一次喺日本玩到無晒車徒步返hostel 保守估計6-8km
仲第一次同其他人一齊沖涼光禿禿浸溫泉
好開心啊一日可以做到咁多野果然係早起身有著數
Day 2:
早雲山>大涌谷>小王子花園>
箱根ガラスの森美術館>築地>東京鐵塔>First Cabin Tsukiji浸溫泉
搭07xx嘅第二班登山纜車上去早雲山 好大霧 我估得9度 再坐頭班吊車上大涌谷
係不能置信嘅大風同埋凍個頭仲濕到滴水 想出去室外影張相就大風到吹跌咗dada
上到大涌谷睇一個我想睇嘅噴煙嘅窿 先知原來係一個火山嚟oops. 1050m啱啱高過大帽山
食咗火山黑蛋 嗯可能係我無知啦我覺得同普通烚蛋無乜分別
想落返山啦哇嚇親原來咁大霧係真係會搵唔到方向架 能見度只有幾步
去完尐乜館乜館就返旅館攞行李出去築地[無錯!係日日都轉住宿!]
同一個香港哥哥一齊搭車 一路搭一路傾3個幾鐘無停過
#靈氣 #精神生活 #
自由 #
唯物主義 #
無政府主義 #自我獨立化
個人主義 #
集體主義 等等等呢尐都係keywords
喺旅途上遇上有趣嘅人再嚟一場咁樣嘅討論其實係好有意思嘅
不過無乜點訓嘅我有少冧檔 直至夜晚出到去東京鐵塔plus見到海賊王旗艦店先精神返 [買咗好多手信!]
第一次住膠囊 係business class嘅膠囊 正!
Day 3: 築地市場>川越>氷川河櫻花>歌舞伎座>
Anne Hostel Asakusabashi
4點起身諗住去排隊睇海鮮拍賣 點知4點半去到都仲係排唔到已經無晒飛
唯有喺附近搵間檔仔食海老天婦羅蕎麥麵 返去膠囊眠一眠8點半又出發
川越古街道其實差唔多係先達行到去家樂嘅距離[我估再短尐]
好伏囉我地預大概兩個鐘就玩得完再睇埋櫻花同神社 點知要double
皆因太多嘢睇喇完全離開唔到
想租單車但騰咗好多冤枉路都失敗呢尐傷心事就唔好提嘞
氷川河兩邊嘅白櫻好靚靚過上野公園
歌舞伎一個字都聽唔明好在係15分鐘體驗
體驗到日本人係點樣睇歌舞伎點樣同台上演員互動 讚!
Day 4: 雷門>上野公園>幕張outlet>明治神宮>新宿>目黑>Sky Tree>羽田空港
Adidas Nike Northface Columbia Coach Wacoal 眼中只有呢尐牌子其他都唔記得了
雷門好快行完上野公園好多人 多到想影張無咁多人嘅相都好難
明治神宮好舒服 想睇銀杏步道但季節不對 喺新宿成功購物
目黑夜櫻有點兒失望 Sky Tree得落嘅方向有電梯梗係想鼓勵大家努力向上嘞
Day 5: 0630羽田空港>12xx香港赤臘角機場
總結:
- 車費入場費用得最多錢
- 大力推介3個住嘅地方 尤其Hakone Tent
- 哇!完全係突破人類極限之旅!
每日活動時間由13-15個鐘不等, achieve到嘅嘢原來可以有咁多, 真係唔好睇小自己!
- 或許「錯過」就係好似今次睇櫻花咁, 去到川越先知有白櫻睇不以為然影完玩完就piz, 點知係最靚; 最期待嘅上野原來不過如此, 落差太大搞到好空虛; 日本朋友推介嘅夜櫻只係影相出嚟燈光效果使然。一路以為下個會更好, 到後悔已經返唔到轉頭, 唯有夾硬影張靚相扮晒[其實依家都唔差吖]咁顯得好似無咁蝕。
- 赤裸到一個地步覺得只要大家係女人嘅話我都可以好灑脫
- 4日以嚟sit down嘅正餐好似得5餐, 連便利店嘅飯團同壽司都好味過香港多多聲
- 因為食唔起魚生嘅關係, 最好食嘅魚生海產都仲係上引水產
- 發現咁樣比較法, 香港人普遍都係無禮貌同無風度, 搭地鐵就已經好大落差
- 日本, 我一定會再去架, 因為都未去吉卜力又未去鬼太郎cafe又未去結他街blahblahblah...
