失物誌

好友之間流傳一個小遊戲, 叫「心有靈犀」

說起來也有好一段時間沒有一起玩玩了 (喂幾時再一齊玩?)

遊戲大概是這咁的: 各人有一張紙一枝筆, 然後輪流出題。就住題目每人寫下3個答案, 玩家的3個答案如與出題者的答案不同就要加分, 最後由最低分者勝出。

玩呢遊戲嘅過程可以測試出彼此間嘅默契同了解程度, 

更可以看到各自對同一件事的不同答案, 每次都有好多笑料

我地之間有很多必玩經典題目, 比如寫出3個航海家、寫出3個中國朝代 &

寫出3個王奕琳遺失過的東西

OMG. 

出現過的答案有電話、相機、銀包、遮、水樽、鎖匙......男人(?)

哈. 其實認識我嘅人都知我失魂的程度只會有增無減

年初二晚, 去街邊檔拮宵夜, 逼完一輪就發現衫袋裡面個電話消失了
除咗好嬲自己之外, 我只能夠發自己脾氣 同問人借個電話暫用

之後東京旅行的時候吹走埋頂冷帽

3個星期不到, 我連銀包都唔見埋 yeahhh
唔見個銀包我真係堅喊出嚟, 入面除咗有有好多證件之外

仲有尐有記念價值嘢...

我嬲到一個點想鞭屍自己

當晚返到教會好頹 一個仙都無好在有人借俾我

點知 去到餐廳食飯埋單果時發現連張借返嚟嘅100蚊都無埋

喺呢一刻我就發現弟兄姊妹真係對我好好
見我頹到不行 竟然自己拎咗張100蚊出嚟扮喺地下執到
T^T好感動 更感動嘅係出到門口埋單真係執返我張100蚊
神真係好好,

於是 為咗令自己唔再唔見嘢 我決定罰抄100次!

完。