開始/終結

八達通得返一下｢嘟｣
睇戲如果我誠實的話就要俾貴價
距離下一次有優惠價 應該仲有40年
除非我殘廢啦❪啋!❫

聽日 係我人生第一次返長工
心情好複雜
畢業到依家就快半年 俾人催左我搵工好耐
嗯… 用咁長時間都只係得｢錢｣呢個原因推動我搵工
毫無吸引力
雖然好多人覺得份工好適合我
但我仍然係不安比較多
往後我的人生會被工作捆綁？ 無晒私人時間空間？
blahblahblah..…好多好多唔同諗法
仲要還錢﹑儲錢﹑
繼續學嘢好似已經變成終極妄想
根本唔會有時間精神空間
甚至體力記憶力 甚至對生活失去熱情 消磨掉意志
可能連睇書用少少腦嘅精神都無

會唔會有一日突然發現 我已把信仰妥協掉

好啦差不多要休息了 希望份工我做得長同搵到定位啦
我等錢洗 祝福我。
晚安。